Supreme Judicial Council mein shikayat kandah ne justic Mazhar Naqvi ke khilaf darj shikayat par tamam saboot o shawahid pesh kardiye, jabkeh council ne dalail mukammal hone ke baad faisla mahfuz kar liya jo budh 22 November ko jari kiya jayega.
Tafseelat ke mutabiq justic Mazhar Naqvi ke khilaf Supreme Judicial Council mein shikayat ke mamle par ajj aghaz hoa, jismein shikayat kandah ne dalail mukammal kiye.
Supreme Judicial Council ne justic Mazhar Naqvi ko doosra show cause notice jari karne ki karwai kal tak miltawi kar di, budh ko hone wale ajlas mein show cause notice jari karne ya na karne ka faisla kya jayega.
Zaray’e ke mutabiq Judicial Council ka ahem ajlas kal teen baje Supreme Court mein hoga.
Isse pehle Judicial Council ki karwai mein uss waqt bari peshraft hui jab shikayat kandah ne justic Mazhar Naqvi ke khilaf tamam shawahid aur mutalqa dastaweezat council ke samne rakhe.
Council mein justic Mazhar Naqvi ke etraazat ka bhi jaeza liya gaya, jisko manzoor ya masturid karne ka faislay par mushawarat ki gayi aur ispar bhi faisla budh ko dopahar teen baje hone wale ajlas mein kya jayega.